Apr 20, 2013

જ્ઞાનેશ્વરી ગીતા રહસ્ય-૧૦૪

જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE      
અધ્યાય-૧૭-શ્રદ્ધાત્રય વિભાગયોગ -૫

આ જે સર્વ દ્રશ્ય જગત છે,તે અસત્  હોવાથી-તે- સત્ નું રૂપ નથી.
પરંતુ જે સાચે જ સત્ નું સ્વરૂપ (પરમાત્મા) છે-તે સત્ નું રૂપ દૃષ્ટિગોચર (દેખાતાં) થતાં –
આત્મસ્વ-રૂપ ની પ્રાપ્તિ થાય છે.

કાર અને તત્-કાર થી “કર્મો” બ્રહ્મરૂપ થાય છે.
કર્મો –સત્ (ઉત્તમ) બને છે,તેમ છતાં

જયારે આ કર્મો-કોઈ વખત –કોઈ એક ગુણ (સત્વ-રજસ-તમસ) ના કારણથી અસત્ બને છે-ત્યારે કાર અને તત્-કાર ની સહાય થી તે-સત્-એ- અસત્ કર્મો નો ઉત્તમ પ્રકારે
ઉદ્ધાર કરે છે.

યજ્ઞ,દાન અને તપ માં (કર્મો માં) “તત્પર” રહેવું-તેને –સત્-કહેવામાં આવે છે.એટલે કે-
યજ્ઞ,દાન અને તપ માં –સ્થિતિ-હોય  (યજ્ઞ,દાન ,તપ જયારે કરવામાં આવતા હોય) ત્યારે –
તેને –સત્-શબ્દ થી ઓળખવામાં આવે છે,અને એ કારણ થી જ –તે (યજ્ઞ વગેરે) સત્-કર્મ ના નામથી
ઓળખી શકાય છે.એટલે કે-તેને સત્કર્મ કહેવામાં આવે છે...(૨૭)

જે લોકો એ શાસ્ત્રનું જ્ઞાન મેળવ્યું છે, તેઓ સહુ પ્રથમ ધ્યાન દ્વારા –“ કાર ને સિદ્ધ કરી” –પછી જ
તેનો વાચાથી (વાણીથી) ઉચ્ચાર કરે છે, અને ત્યાર પછી યજ્ઞ-દાન-તપ ની  ક્રિયાઓનો  (કર્મોનો)
પ્રારંભ કરે છે. ત્યાર પછી તે  કર્મો ને –તત્-કહી પરમાત્માને અર્પણ કરે છે,એટલે તે સત્-કર્મો બને છે.

એટલા માટે જ -  –તત્- સત્ –એ “બ્રહ્મ” નું ત્રણ અક્ષરનું નામ નહિ પણ તે “બ્રહ્મ” જ છે.

શ્રીકૃષ્ણ કહે છે-કે-હે અર્જુન,આ ત્રણ અક્ષરનું નામ એ નામ નહિ પણ બ્રહ્મ જ છે,એટલા માટે,
તુ જે કર્મો (યજ્ઞ-દાન-તપ નાં) કરે –તેના આરંભ માં કે મધ્ય માં કંઈક પણ આડખીલી પેદા થાય -કે –
તે કર્મો અપૂર્ણ પણ રહી જાય તો,
જેમ પારસમણિ ના સ્પર્શ થી થયેલા સોના માં ,તે સોનું ઉત્તમ કે હલકું-એવો ફરક હોતો નથી,
તેમ કરેલાં કર્મોને એક વખત આ ત્રણ નામ વાળા અક્ષરો નો  (બ્રહ્મ નો) સ્પર્શ થવાથી અને
તે કર્મો બ્રહ્મ ને અર્પણ થવાથી-તે બ્રહ્મરૂપ જ થઇ જાય છે.


શ્રદ્ધા વડે,  –તત્- સત્-નો નિર્દેશ કરી ને કરાતા કર્મો –સત્કર્મો છે-
પણ શ્રદ્ધા વગર કરેલાં-યજ્ઞ,દાન તપ (કર્મો) ને અસત્ કહેવામાં આવે છે. અને આવાં
અસત્ કર્મો નો અહીં (આ લોક માં) કે મૃત્યુ પછી (પરલોકમાં) કંઈ (અર્થ) નથી. (૨૮)


અધ્યાય-૧૭-શ્રદ્ધાત્રય વિભાગયોગ-સમાપ્ત.
અનુસંધાન –અધ્યાય-૧૮-મોક્ષસંન્યાસયોગ



જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE