Nov 5, 2013

ભાગવત રહસ્ય -૪૬૫

તે પછી,નૃગરાજા ના ઉદ્ધારની કથા છે.સકામ કર્મ પાપનો નાશ કરે નહિ પણ કર્મો જો પ્રભુ-પ્રિત્યર્થે કરવામાં આવે તો જ પાપનો નાશ થાય છે,તેવું તે કથાનું રહસ્ય છે.
      PREVIOUS PAGE
     NEXT PAGE
સ્કંધ-૧૦  (ઉત્તરાર્ધ) -૧૪

ચિત્રલેખાએ પોતાની યોગ-વિદ્યા ના બળથી,પલંગ સાથે અનિરુદ્ધ ને ઉઠાવ્યો છે.અને આકાશ માર્ગે તે જવા લાગી. અહીં સુદર્શન અને નારદજી વાતો કરે છે ત્યાં ઉપરથી પુષ્પ ની માળા પડી,સુદર્શને ઉપર જોયું,
તો તેને વિમાન જેવું દેખાયું.તે નારદજી ને પૂછે છે કે-મહારાજ, મહેલમાં કાંઇ ચોરી તો નથી થઈને ?

સવાર પડ્યું,જુએ તો અનિરુદ્ધ ના મળે.સર્વને આ વાતની જાણ થઇ.શ્રીકૃષ્ણે સુદર્શન ને પૂછ્યું-કે-રાતે શું કરતો હતો ? સુદર્શને કહ્યું કે-નારદજી જોડે સત્સંગ કરતો હતો.ભગવાને તેને ઠપકો આપ્યો.“તારી નોકરી છોડી સત્સંગ કરવાની તારે શી જરૂર હતી ?”

ચિત્રલેખા અનિરુદ્ધ ને અંતઃપુરમાં લઇ આવે છે.બાણાસુર ને આ વાતની ખબર પડતાં અનિરુદ્ધ ને કેદ કરે છે.
શ્રીકૃષ્ણ ને ખબર પડી કે અનિરુદ્ધ ને બાણાસુરે કેદ કર્યો છે એટલે તેમણે શોણિતપુર પર ચડાઈ કરી છે.
બાણાસુર શિવજી નો ભક્ત હોવાથી શિવજી પણ લડવા આવ્યા છે.
બાણાસુર શિવજી નો સેવક હોવાથી તેને માર્યો નથી.પણ તેને હજાર હાથ હતા,તેમાંના ૯૯૬ કાપી નાખ્યા છે.સુદર્શન ચક્ર થી કોઈ બચ્યો હોય તો તે બાણાસુર છે.
બાણાસુર શિવભક્ત હતો અને તેમના પિતા બલિ મહા વૈષ્ણવ હતા.
રુચિ અનુસાર ભગવાન સ્વરૂપ ધારણ કરે છે,પણ વૈષ્ણવો ખોટો ઝગડો કરે છે.

તે પછી,નૃગરાજા ના ઉદ્ધારની કથા છે.સકામ કર્મ પાપનો નાશ કરે નહિ પણ કર્મો જો પ્રભુ-પ્રિત્યર્થે
કરવામાં આવે તો જ પાપનો નાશ થાય છે,તેવું તે કથાનું રહસ્ય છે.
તે પછી દાઉજી એ દ્વિવીદ વાનર,પૌન્ડુંક અને કાશીરાજા નો વધ કર્યો તેની કથા છે.
પછી દુર્યોધન ની કન્યા લક્ષ્મણા નો વિવાહ શાંબ સાથે થયો તે પ્રસંગ કહી સંભળાવ્યો.

એક દિવસ નારદજી ને કૃષ્ણ નો ગૃહસંસાર જોવાની ઈચ્છા થઇ.
નારદજી ને થયું કે-એક-બે સ્ત્રીઓ ના ધણી ની દુર્દશા થયા છે,ત્યારે આ તો ૧૬૧૦૮ રાણીઓ છે.
આ રાણીઓ સાથે શ્રીકૃષ્ણ કેવી રીતે રહેતા હશે?ક્યારે કોને મળતા હશે?
સર્વ ને રાજી કેવી રીતે રાખતા હશે ?
શાસ્ત્ર કહે છે-કે-બ્રહ્મચારી કે સંન્યાસીએ ગૃહસ્થી ના ઘરનો વિચાર કરવો ના જોઈએ,જે રસ્તે જવું નહિ તેનો
શા માટે વિચાર કરવો ?પણ આ તો નારદજી છે,
તેમણે વિચાર કર્યો કે- ભગવાન ના ઘરમાં કલહ જગાડું તો હું નારદ ખરો.
જે મહેલ માં ભગવાન વિરાજતા ના હોય તે મહેલ માં જઈ ને તે રાણી ને ભરમાવીશ.

નારદજી ભગવાન નો ગૃહ સંસાર જોવા દ્વારકા આવ્યા છે.રુક્મિણી ના મહેલમાં ગયા તો,
શ્રીકૃષ્ણે ઉભા થઇ,નારદજી નું ગૃહસ્થ ના ધર્મ અનુસાર સ્વાગત કર્યું છે.નારદજી ના ચરણ ધુએ છે,પૂજા કરે છે.નારદ બ્રાહમણ અને અતિથી હોવાના કારણે ભગવાન તેમની પૂજા કરે છે.
પ્રભુ તો સર્વ જાણે છે છતાં,નારદજી ને પૂછે છે કે-બોલો,કેમ પધારવું થયું ?ક્યારે આવ્યા ?

ત્યાંથી બીજા મહેલ માં જાય છે તો ત્યાં શ્રીકૃષ્ણ ,ઉદ્ધવજી જોડે પાસા રમે છે,શ્રીકૃષ્ણે ઉભા થઇ સ્વાગત કરી ને પૂછ્યું કે-નારદજી ક્યારે આવ્યા ? નારદજી આશ્ચર્ય માં પડ્યા છે કે-હજુ થોડી  વાર પહેલાં રુક્મિણી ના મહેલ માં સ્વાગત કરેલું અને મને પૂછે છે કે-ક્યારે આવ્યા ?

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE