કૃપા થઇ 'તે'ની,બતાવી દીધો છે સત્યનો સીધો મારગ જેણે,
તો હવે તે જ મારગે મારે પગલું ભરવું રહ્યું બાકી.
'હું' 'મારું' નો કરાવી ત્યાગ કરાવી,વૈરાગ્યના ભણાવ્યા પાઠ જેણે,
તે ગીતાના જ મારગે પગલું ભરવું રહ્યું બાકી.
આ ભવમાં ભટકતાં,પાસે રહી કરાવ્યું છે,આત્માનું જ્ઞાન જેણે,
તેના જ શરણે જ માત્ર રહેવું રહ્યું બાકી.
સંસાર સાગરના તોફાનમાં,નાવ આપીને બેસાડ્યા જેણે,
એ નાવમાં બેસીને જ હવે તરવું રહ્યું બાકી.
ઈડા-પિંગલાની રમતો તો ઘણી રમી જાણી આ જીવનમાં,
હવે સુષુમ્ણામાં જ ઠરીને રહેવું જ રહ્યું બાકી.
અનિલ
ઓગસ્ટ-8-2023
comments? OR you want to publish your poetery? or any article?
email me-anamiyogi@gmail.com