II धृतराष्ट्र उवाच II निवृत्ते भीमसेने च पांडवे च युधिष्ठिरे I वध्यमाने बले चापि मामके पांडुसृंजयैः II १ II
ધૃતરાષ્ટ્ર બોલ્યા-હે સંજય,જયારે પાંડવ ભીમસેન તથા યુધિષ્ઠિર એ પ્રમાણે યુદ્ધ કરવા પાછા ફર્યા અને
પાંડવ તથા સૃન્જય યોદ્ધાઓ મારા સૈન્યનો સંહાર કરવા લાગ્યા,તેમ જ જયારે તે આનંદરહિત થયેલું
મારુ સૈન્ય નાસભાગ કરવા લાગ્યું હતું ત્યારે કૌરવોએ શું કર્યું હતું ? તે તું મને કહે.'
II संजय उवाच II एतस्मिन्नंतरे कृष्णः पार्थ वचनमब्रवीत I दर्शयन्निव कौंतेयं धर्मराजं युधिष्ठिरं II १ II
સંજય બોલ્યો-એ સમયે શ્રીકૃષ્ણ અર્જુનને યુધિષ્ઠિરનું દર્શન કરાવતા બોલ્યા-'હે અર્જુન,જો પેલા રહ્યા તારા વડીલ ભાઈ યુધિષ્ઠિર.જો પેલા કૌરવો તમને મારી નાખવા દોડી રહ્યા છે ત્યારે પાંચાલ યોદ્ધાઓ યુધિષ્ઠિરનું રક્ષણ કરવા તેમની પાછળ દોડી જાય છે.દુર્યોધન યુધિષ્ઠિરને મારી નાખવા ઈચ્છે છે એટલે કૌરવ સૈન્ય તેમને પકડવા ને મારવા તેમની સામે ધસી રહ્યું છે પણ તે સર્વને ભીમસેન અને સાત્યકિએ અટકાવી રાખ્યા છે.દુર્યોધનનું સૈન્ય એવું તો મહાભયંકર અને બલિષ્ઠ છે કે તેમના બાણોના ચોટમાંથી કોઈ છૂટી શકે નહિ.આ સમયે યુધિષ્ઠિર સપડાયા હોવાથી હું માનું છું કે તે કાળના મુખમાં જ સપડાયા છે.
