Apr 15, 2013

જ્ઞાનેશ્વરી ગીતા રહસ્ય-૯૯

જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE      
અધ્યાય-૧૬-દૈવાસુરસંપદ્વિભાગયોગ-૩

પોતાની જાતની પોતે જ પ્રશંસા કરનારા ,અક્કડ બની ને જગતમાં ફરનારા,તથા
ધન અને માન ના અભિમાન માં ઉન્મત્ત થયેલા –આવા આસુરી સંપત્તિ ધરાવતા મનુષ્યો,
શાસ્ત્રવિધિ ને છોડી ને –માત્ર દંભ અને પોતાની મોટાઈ બતાવવા કેવળ નામ ના જ યજ્ઞો કરે છે.(૧૭)

આવા લોકો-અહંતા,બળ,ગર્વ ,કામ તથા ક્રોધ નો આશ્રય કરી, તેમના પોતાના આત્મા માં રહેલ પરમાત્માનો,
અને તે જ રીતે બીજા લોકો ના આત્મા માં રહેલ પરમાત્મા નો દ્વેષ કરે છે.
વળી બીજા કોઈ નો ઉત્કર્ષ થાય તે પણ તેમાંથી સહન થતો નથી.(ઈર્ષા)

આવા દ્વેષી અને ઈર્ષાથી યુક્ત,ક્રૂર અને પાપી નરાધમો ને વારંવાર સંસાર ની અતિદુઃખદાયક –
આસુરી યોનિમાં જ –પરમાત્મા નાખે છે. અને આવા જન્મોજન્મ આસુરી યોનિને પ્રાપ્ત થયેલા મનુષ્યો,
વધારે અને વધારે મોહ થી મૂઢ થઇ ને –પરમાત્મા ને ના પામતાં અધમ ગતિ ને પ્રાપ્ત થાય છે.(૧૮-૨૦)

ટૂંક માં આમ-
કામ,ક્રોધ અને લોભ- એ –નરક ના ત્રણ દ્વારો છે,જે મનુષ્યમાં રહેલ આત્માનો નાશ કરનાર છે,
માટે આ ત્રણે –કામ-ક્રોધ-લોભ નો –મનુષ્યે ત્યાગ કરવો જોઈએ.(૨૧)

ધર્મ,અર્થ,કામ અને મોક્ષ-એ ચારે પુરુષાર્થ ત્યારેજ સિદ્ધ થાય જયારે મનુષ્ય કામ,ક્રોધ,મોહ થી મુક્ત થાય.
આ ત્રણે દોષો થી મુક્ત થઇ પોતાનું કલ્યાણ કરી લેવાના માર્ગે જે ચાલે છે
તેને ઉત્તમ ગતિ (આત્મ-પરમાત્મ પ્રાપ્તિ) પ્રાપ્ત થાય છે. (૨૨)

છેવટે શ્રીકૃષ્ણ કહે છે-કે-
જે શાસ્ત્રોક્ત વિધિ ને છોડીને –પોતાની ઈચ્છા પ્રમાણે જ વર્તન કરી –કામ,ક્રોધ,લોભ માં જ મચેલો રહે છે-
તેને સિદ્ધિ,સુખ કે ઉત્તમ ગતિ –પ્રાપ્ત થતી નથી.
એટલા માટે –કયાં કાર્ય (કર્મો) કરવા યોગ્ય છે-કે કયાં કાર્ય કરવા યોગ્ય નથી (નિષિદ્ધ કર્મો)-
તેને માટે શાસ્ત્ર (વેદો વગેરે) જ પ્રમાણ છે.
માટે શાસ્ત્ર માં કહેલાં કરવા યોગ્ય કર્મો ને જાણી લઇ ને –આ જગતમાં તેનું જ આચરણ કરવું જોઈએ (૨૪)

અધ્યાય-૧૬-દૈવાસુરસંપદ્વિભાગયોગ-સમાપ્ત
અનુસંધાન-અધ્યાય-૧૭-શ્રદ્ધાત્રય વિભાગયોગ




જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE