More Labels

Apr 18, 2013

ભાગવત રહસ્ય -૨૭૭

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૯-(નવમો)-૭૪

કામ-ને શાસ્ત્ર માં હિત શત્રુ કહ્યો છે,
એ કામ કરે છે-શત્રુનું,પણ બતાવે છે-કે-હું તમારો મિત્ર છું.

યયાતિ રાજા વિલાપ કરે છે-“મેં મારી શક્તિ નો દુર્વ્યય કર્યો,મેં મારું શરીર બગાડ્યું,”
કામ-ક્રોધ ને મિત્ર ન બનાવતાં તેને વેરી બનાવી તેમને ત્યજવા જોઈએ.

દેવયાની નો મોટા પુત્ર –યદુ ના વંશ માં શ્રીકૃષ્ણ પ્રગટ થયા છે.
નાના પુત્ર પુરુ એ પોતાની યુવાની પિતાને આપેલી,તેથી પિતાએ રાજ્ય તેને આપ્યું છે.
આગળ જતાં આ વંશમાં દુષ્યંત અને રંતિદેવ  નામના  રાજા થયા.

રંતિદેવ નું ચરિત્ર અદભૂત છ્ર.પોતાને જે મળતું તે તે બીજા ને આપતો. રંતિદેવ ના જીવન નું ધ્યેય હતું કે-
ભલે હું દુઃખી થાઉં,દુઃખ ભોગવું પણ બીજા સુખી થાય-સુખ ભોગવે.
એક દિવસે પ્રાણ ના સંકટે પણ તેણે પોતાની પાસેનું સર્વ અન્ન,પાણી વગેરે બીજાઓને આપી દીધું.

આગળ જતાં આ વંશમાં શાન્તનુ મહારાજ થયા.તેમને ત્યાં ગંગા દ્વારા દેવવ્રત(ભીષ્મ) થયા.
એક પુત્ર આપી ગંગા વિદાય થયાં.
પિતાના સુખ માટે દેવવ્રત (ભીષ્મે) રાજ્ય,સંપત્તિ અને કામસુખ નો ત્યાગ કર્યો.
પિતાએ મત્સ્યગંધા સાથે ફરીથી લગ્ન કર્યાં. બીજા પુત્ર વિચિત્રવીર્ય અને તેના પાંડુ નામના રાજા થયા.
પાંડુ ના પાંડવો અને તેમના વંશ માં પરીક્ષિત નો જન્મ થયો.

આ સ્કંધ ની સમાપ્તિ માં યદુરાજા ના વંશ નું વર્ણન કર્યું છે.યદુરાજા નો વંશ દિવ્ય છે.
તેમના વંશ માં શ્રીકૃષ્ણ નો જન્મ થયો છે.

આગળ જતાં-બાહુક ને ત્યાં બે પુત્રો થયા.દેવક અને ઉગ્રસેન.
દેવક રાજાએ સાત કન્યાઓ ના લગ્ન વસુદેવ સાથે કર્યા. વસુદેવ અને દેવકી નું આઠમું સંતાન-
એ શ્રીકૃષ્ણ. ધર્મ ની સ્થાપના કરવા અને અધર્મ નો નાશ કરવા  માટે ભગવાને અવતાર ધારણ કર્યો છે.

શ્રીકૃષ્ણ ગોકુલ માં રમ્યા ને ચૌદ વર્ષ મથુરામાં વિરાજ્યા. તે પછી ભગવાન શ્રીકૃષ્ણ દ્વારકાનાથ થયા છે.
ગૃહસ્થ ધર્મનો આદર્શ બતાવ્યો.સોળ હાજર રાણીઓ છે-પણ કોઈ માં આસક્ત નથી.
પૃથ્વી પરની ભાર હળવો કરવા કૌરવો અને પાંડવો નું યુદ્ધ કરાવ્યું.
આમ નવમા સ્કંધ માં સંક્ષેપ માં કૃષ્ણ કથા કહી સંભળાવી.

નવમો સ્કંધ સમાપ્ત.
અનુસંધાન –દશમા સ્કંધ માં  (દશમ સ્કંધ-પૂર્વાર્ધમાં.)


ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE