More Labels

May 2, 2013

ભાગવત રહસ્ય -૨૯૧

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૧૦ (પૂર્વાર્ધ)-૧૪

નંદબાબા ને બાલકૃષ્ણ ની ઝાંખી થઇ છે,અને તે સ્તબ્ધ થઇ ગયા છે,
નંદજી ને  લાગ્યું કે -“જે બાળક સ્વપ્ન માં મેં જોયેલો તે આ જ બાળક છે”
બાલકૃષ્ણ નંદબાબા ને કહે છે, “બાબા તમે ગાયોની ચિંતા ના કરો,હું ગાયોની સેવા કરવા આવ્યો છું.”

સ્તબ્ધતા માં નંદબાબા ને દેહનું ભાન રહ્યું નથી,બાલકૃષ્ણ ના દર્શન કરતાં તે જડ જેવા થઇ ગયા છે.
તેમને યાદ આવતું નથી કે-“ હું સૂતો છું કે જાગું છે ?કે હજુ હું સ્વપ્ન માં તો નથી ને ?”

જયારે બીજી બાજુ-યશોદા મા જાગ્યા છે.
પ્રકાશ નો પુંજ છે,અને શ્રીઅંગ માંથી કમળ ની સુવાસ આવે છે.
યશોદા મા અને બાલકૃષ્ણલાલ  ની ચાર આંખ મળે છે. પરમાનંદ થયો છે.
નંદ બાબાની નાની બહેન સુનંદા છે-તે જાગી અને ભાભી ના ઓરડામાં આવી.
તેને જોયું તો ભાભીની ગોદમાં સુંદર બાળક છે.
ચારે તરફ પ્રકાશ ફેલાયો છે. તેના હર્ષ નો પાર નથી- દોડી ને ભાઈ ને ખબર આપવા પહોંચી છે-
“ભૈયા-ભૈયા-લાલો ભયો હૈ “ અતિશય આનંદ થયો છે.

વ્રજવાસીઓ આનંદ માં છે,નંદબાબા ને યમુના માં સ્નાન કરવા કરવા લઇ જાય છે, સ્નાન પછી
સોનાના પાટલે બેસાડ્યા છે, પુણ્યાહ્ વાચન થયું.નાન્દીશ્રાદ્ધ માં પિતૃઓનું પૂજન થયું.
વ્રજવાસીઓ કહે છે,કે –બાબા અમારે મોટો ઉત્સવ કરવો છે.

શાંડિલ્ય ઋષિ કહે છે-બાબા,વૃદ્ધાવસ્થા માં તમારે ત્યાં પુત્ર થયો છે,તમારે આજે દાન કરવું જોઈએ.
તમે દાન નો સંકલ્પ કરો. નંદબાબા ઉદારતા થી દાન આપે છે.
અન્નદાન,વસ્ત્રદાન,સુવર્ણદાન અને ગાયો નું દાન કર્યું છે.

બ્રાહ્મણો ની એટલું બધું દાન કર્યું કે એક બ્રાહ્મણ ને આશ્ચર્ય થયું અને કહે છે-કે-
બાબા તમારાં લાલા માટે કંઈ રાખશો નહિ ?લાલા માટે અર્ધું રાખો,હું અર્ધું લઇ જઈશ.
નંદ બાબા કહે છે-કે-તમારાં માટે કાઢ્યું પછી પાછું ન લેવાય.
બ્રાહ્મણ આશીર્વાદ આપતાં કહે છે-કે-
બાબા તમારો લાલો મોટો રાજા થશે,અનેક યજ્ઞો કરાવશે,સોનાની નગરી બાંધશે.મોટા મોટા ઋષિઓ તેના
ચરણ માં વંદન કરશે.તે સોળ હજાર રાણીઓ નો પતિ થશે.

નંદબાબા આ સાંભળી ગભરાણા, એક બે નહિ પણ સોળ હજાર રાણીઓ ?
આટલી બધી રાણીઓ મારા લાલા ને ત્રાસ આપશે. સોળ હજાર આવશે તો ઘરમાં ઝગડો થશે.

બ્રાહ્મણે કહ્યું-કે-બાબા તમારો લાલો કોણ છે તે તમે જાણતા નથી,કનૈયો તો સોળ હજાર રાણીઓ ને પૂરો
પડશે.તેનો જય જયકાર થશે.


ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE