Jul 13, 2013

ભાગવત રહસ્ય -૩૫૪

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૧૦ (પૂર્વાર્ધ)-૭૭

શ્રીકૃષ્ણ બાલ મિત્રો ને કહે છે-કે-મારે આજે બળદગાડા ની લીલા કરવી છે.એટલે હું બંધાયો છું.
બાળમિત્રો પૂછે છે કે- લાલા,બળદગાડાની લીલા એટલે શું ?
કનૈયો સમજાવે છે કે-બળદગાડાની લીલા માં હું બળદ થઈશ અને ખાંડણીયું થશે ગાડું. હું ખાંડણીયા ને બળદગાડાની જેમ ખેંચીશ.

દામોદર –શ્રીકૃષ્ણે વિચાર કર્યો કે હું બંધન માં આવીશ પણ અનેક જીવો ને બંધનમાંથી મુક્ત કરીશ.
શ્રીકૃષ્ણ ખાંડણીયા ને ખેંચતા ખેંચતા ઘરની બહાર રહેલા યમલાર્જુન ના બે ઝાડ પાસે આવ્યા અને તે બે ઝાડ વચ્ચે થઇ ને નીકળ્યા.તે વખતે ખાંડણીયો આડો પડી બે ઝાડ વચ્ચે ફસાઈ ગયો.
શ્રીકૃષ્ણે પેટ પર બાંધેલા દોરડાથી તેને ખેંચ્યો,એટલે તે બે વૃક્ષ પડી ગયાં
અને તેમાંથી બે તેજસ્વી પુરુષો બહાર આવ્યા.

આ બે વૃક્ષો અગાઉ ના જન્મ માં કુબેર ના બે પુત્રો નળકુબેર અને મણીગ્રીવ નામના યક્ષો હતા.
નારદજી ના શાપ થી તેઓ નો વૃક્ષ તરીકે અવતાર થયેલો.

પરીક્ષિતે પ્રશ્ન કર્યો કે-નારદજી એ તેઓને શા માટે શાપ આપેલો ?તેની કથા વિસ્તારપૂર્વક કહો.
શુકદેવજી વર્ણન કરે છે કે-નારદજી એ ક્રોધ કરી ને નહિ પણ કૃપા કરીને શાપ આપ્યો હતો.

કુબેર ભંડારી  ના આ બે પુત્રો ને બાપની બહુ સંપત્તિ મળી એટલે ભાન ભૂલ્યા છે.
પસીનો પાડ્યા વગર બાપ નું ધન પુત્ર ને મળે તો તે મોટે ભાગે ઉડાઉ થાય છે.બુદ્ધિ ને બગાડે છે.
સંપત્તિ અને સન્મતિ સાથે રહી શકતાં નથી.સંપત્તિ ના અતિરેક માં સદવર્તન રહેતું નથી.
અતિ સંપત્તિ થી અનેક દોષો આવે છે.
બાણભટ્ટે “કાદમ્બરી” માં લક્ષ્મી થી કેટલા દોષો આવે છે તેનું ખૂબ સારું વર્ણન કર્યું છે.

નળકુબેર અને મણીગ્રીવ ,પણ બાપ ની સંપત્તિ ના અતિરેક માં ભાન ભૂલ્યા અને ખૂબ મદિરાપાન કરીને
ગંગાકિનારે આવ્યા અને ગંગા ના પવિત્ર જળ માં નગ્ન થઇને યુવાન સ્ત્રીઓ સાથે જળવિહાર કરવા લાગ્યા.
તીર્થ માં વિલાસી જાય તો તે તીર્થ ની મર્યાદા નો ભંગ કરે છે.
મહાપ્રભુજીએ દુઃખથી કહ્યું છે કે-તીર્થમાં વિલાસી લોકો રહેવા આવવા લાગ્યા એટલે તીર્થ માંથી દેવો પલાયન થઇ ગયા.

દેવર્ષિ નારદ ત્યાંથી તે વખતે પસાર થતા હતા.તેમને આ દ્રશ્ય જોયું.તેમને આ ઠીક લાગ્યું નહિ.
નારદજી ને જોયાં છતાં નળકુબેર અને મણીગ્રીવે કપડાં પહેર્યા નહિ અને જળવિહાર ચાલુ રાખ્યો.
નારદજી ને અતિ દુઃખ થયું.તે વિચારે છે-કે-કેવું સુંદર શરીર મળ્યું છે,છતાં તેનો કેવો દુરુપયોગ કરી રહ્યા છે.
માનવ શરીર ભોગ માટે નહિ પણ ભગવાન માટે,ભગવાન ની સેવા કરવા માટે મળ્યું છે.
શરીર ભગવાન નું છે.આ શરીર ની અંતે શું ગતિ થાય છે? પશુ-પક્ષી ખાઈ જાય અથવા
રાખ નો ઢગલો થાય છે,પણ આનો કોઈ વિચાર કરતુ નથી.
લક્ષ્મી ના મદ માં આ નાશવંત શરીર ને લોકો અજર-અમર માને છે ને બીજાં પ્રાણીઓ નો દ્રોહ કરે છે.

સો રૂપિયા ની નોટ ફાટી ગયેલી હોય તેના પર ડાઘા પડ્યા હોય પણ જો નોટ નો નંબર દેખાતો હોય તો તેને કોઈ ફેંકી દેતું નથી,
તેમ આ શરીર ફાટેલું છે ગંદુ છે પણ તેના પર નો નંબર સારો છે.
આ શરીર થી જ ભગવાન  નું ભજન થાય છે. નામજપ નો આનંદ માત્ર મનુષ્ય ને જ મળે છે.
પશુ-પક્ષીઓ નામજપ કરી શકતા નથી. તેમને તો પોતાના સ્વ-રૂપ ની પણ ખબર નથી,
તો તે ભગવાન ને તો કેવી રીતે જાણી શકે ?

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE