Jul 9, 2013

ભાગવત રહસ્ય -૩૫૦

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૧૦ (પૂર્વાર્ધ)-૭૩

ગ્વાલ-બાળ મિત્રો ના અધ્યક્ષ –લાલાજી,
આજે ઘરમાં જ માખણ ની ચોરી કરતાં યશોદાના હાથમાં પકડાયા છે.
કાળ ના યે કાળ ને આખી દુનિયા ના માલિક આજે –થરથર કાંપે છે,આંખમાંથી આંસુ નીકળે છે.

બાળમિત્રોએ જોયું કે આજે –લાલો પકડાયો છે.
સદા હસતો અને કિલ્લોલ કરતો કનૈયો લાલો આજે ધ્રુજે છે,લાલાના આંખમાં આંસુ છે.!!!!
એટલે બાળમિત્રો પણ રડવા લાગ્યા છે, (નજર સમક્ષ આ દૃશ્ય ની કલ્પના કરવા જેવી છે)
રડતાં રડતાં તે સર્વ બાળમિત્રો યશોદાજી પાસે આવે છે અને મા ને કહે છે-કે-

“મા તું લાલા ને બાંધીશ નહિ,લાલા એ ચોરી કરી પોતે કંઈ ખાધું નથી,મા,બધું માખણ એણે અમને ખવડાવ્યું  છે. એટલે તારે જે સજા કરવી હોય તે અમને કર,અમને બધા ને તું બાંધ પણ પણ લાલા ને તું બાંધીશ નહિ.
મા.અમારો કનૈયો બહુ કોમળ છે, મા તું અમારા કનૈયા ને બાંધીશ નહિ”

બાળકો,યશોદાજી ને વિનવણી કરતા જાય છે અને રડતા જાય છે.આંખમાંથી ચોધાર આંસુ નીકળે છે.
લાલા ના અને લાલા ના મિત્રો ના આંસુ જોઈ યશોદાજી નું હૃદય થોડીવાર તો પીગળી ગયું છે,
યશોદાજી ને એક વિચાર થયો કે-લાલા ને બાંધુ તે ઠીક નથી,કનૈયો તો મને અને બધા ને વહાલો છે.

પણ તરત જ બીજો વિચાર આવ્યો કે-પણ હું શું કરું ? લાલા ને ચોરી કરવાની આદત પડી છે,તે આદત મારે છોડાવવી છે. હું મા છું,તેની આદત હું ના છોડાવું તો બીજું કોણ છોડાવશે ?
લાલા ને કલાક બે કલાક બાંધીશ પછી છોડી દઈશ.

છેવટે યશોદાજીએ લાલા ની આદત છોડાવવા આવેશમાં આવી.નિશ્ચય કર્યો કે-આજે તો લાલા ને બાંધીશ જ.
એટલે હવે તે લાલા ના મિત્રો ને ધમકાવે છે. “જાઓ અહીથી”
આમ તો યશોદા બાળકો ને ધમકાવે નહિ,પણ આજે તેમનો ક્રોધ જોઈ ને બાળકો ને ડર લાગ્યો.
બાળકો વિચારે છે કે –આજે શું યશોદા લાલા ને મારશે ? આજે શું યશોદા લાલા ને બાંધશે ?
બાળકો વારંવાર  વિનવણી કરે છે-“મા લાલા ને મારીશ નહિ,મા,લાલા ને બાંધીશ નહિ”

પણ યશોદા આજે આવેશમાં છે.આજે તો લાલા ની આદત સુધારવી જ છે,લાલા ને ખાયણી પાસે લાવ્યા છે.
બાળકો એ જોયું કે આજે તો યશોદા લાલા ને બાંધ્યા વગર રહેશે નહિ,એટલે બાળકો દોડતાં ઘેર ગયા છે અને ગોપીઓ ને ખબર આપી છે. ગોપીઓ હાંફળીફાંફળી થઇ ગઈ અને દોડતી લાલા પાસે આવી છે.

અહીં આવી જુએ છે તો –યશોદા એ લાલા ને બાંધવાની તૈયારી કરી છે.ખાયણી પાસે લાલો ઉભો છે.
અને સદા હસતો –કિલ્લોલ કરતો કનૈયો થરથર ધ્રુજે છે અને આંખમાં આંસુ છે.
ગોપીઓ ની આંખમાંથી પણ અશ્રુ ની ધાર થઇ છે.

ગોપીઓ હવે યશોદાજી ને વિનવણી કરે છે, આંખ માં આંસુ છે અને બે હાથ જોડી,યશોદા ને મનાવે છે.
“મા છોકરો નહોતો ત્યારે તું રડતી હતી, ઘણી માનતા ઓ પછી લાલો આવ્યો છે તો –
તું  આજે તે લાલા ને બાંધવા તૈયાર થઇ છે ?
મા હું ગરીબ છું,લાલો રોજ મારા ઘેર આવીને ગોળી ફોડે છે,છતાં તેને બાંધવાનો
મને વિચાર સુધ્ધાં આવતો નથી.
મા હું ગરીબ છું,પણ જોઈએ તો તને પાંચ ગોળી દહી આપીશ,પણ આજે મારા લાલા ને છોડી દે.
મા,માત્ર એક ગોળી દહીની ફોડી તો શું થયું ?તું માત્ર એક ગોળી દહી માટે લાલા ને બાંધે છે ?
મા,તું લાલા ને બાંધીશ નહિ,મા,તમારો કનૈયો-અમારો પણ છે,અને તે અમને પ્રાણ થી પણ પ્યારો છે.”

યશોદાજી આજે આવેશ માં છે.ગોપીઓ ને ઠપકો આપે છે.
“તમે લાલા નાં બહુ લાડ કરો છો,તેથી તે તોફાની થયો છે.માથે ચડી ગયો છે.મારે તેની આદત સુધારવીજ
પડશે. છોકરો મારો છે,તમારે વકીલાત કરવાની કોઈ જરૂર નથી.”

શુકદેવ જી વર્ણન  કરે છે. રાજન,કાળ ના કાળ,સમસ્ત જગત ના માલિક શ્રીકૃષ્ણ આજે યશોદાજી થી ડરે છે,
થરથર કાંપે છે અને આંખમાંથી અશ્રુધાર વહે છે.બાળકો અને ગોપીઓ ની પણ તે જ હાલત છે.
બધા ની આંખો ભીની છે.


ડોંગરેજી મહારાજ ની કથા પર આધારિત

      PREVIOUS PAGE
     NEXT PAGE
   INDEX PAGE