Aug 26, 2013

ભાગવત રહસ્ય -૩૯૮

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૧૦  (પૂર્વાર્ધ)-૧૨૧

ગોવર્ધનલીલા માં કનૈયા ના દર્શન થયા ત્યારથી ગોપીઓ માં પ્રેમ નું બીજારોપણ થયું હતું.
પ્રેમ નો આરંભ દ્વૈત થી થાય છે પણ સમાપ્તિ થાય છે અદ્વૈત માં.
આરંભ માં પ્રેયસી અને પ્રિયતમ જુદાં હોય છે,પણ જયારે પ્રેમ અતિશય વધે છે ત્યારે તે અલગ રહી શકતા નથી. રાસલીલામાં પણ અતિશય શુદ્ધ પ્રેમ,શુદ્ધ પ્રેમ ની પરાકાષ્ઠા છે. અદ્વૈત થયું છે.
કૃષ્ણ-ગોપી અલગ નથી પણ એક થયા છે.

પ્રેમ ની છેલ્લી કક્ષા એ મૂર્છા છે.ગોપીઓ માં કૃષ્ણ-પ્રેમ એટલો વધ્યો છે કે હવે આંખમાંથી આંસુ નીકળતાં નથી,પણ મૂર્છા આવે છે (દેહ નું ભાન ભૂલાઈ જાય છે,હવે કોઈ વાસના નથી,જીવ અતિશય શુદ્ધ થયો છે.)
શ્રીકૃષ્ણે પોતાના બાળમિત્રો ને કહી રાખ્યું હતું કે-“કોઈ ગોપી ને મૂર્છા આવે તો મને બોલાવજો.મને મૂર્છા
ઉતારવાનો મંત્ર આવડે છે.ગોપીના પ્રાણ અને મન મારા હાથ માં છે.”

આથી કોઈ ગોપી ને મૂર્છા આવે ત્યારે કનૈયા ને બોલાવવામાં આવે છે.
શ્રીકૃષ્ણ સમજી ગયા છે કે આ ગોપીઓ નો પ્રેમ ધીરે ધીરે વધે છે.એટલે તે આવી ને ગોપીના માથે હાથ ફેરવે અને કાન માં કહે છે કે-શરદપૂર્ણિમા ની રાત્રિ એ તને મળીશ,ધીરજ રાખ અને સતત મારું ધ્યાન કર.
આ તારો છેલ્લો જન્મ છે.તું મને જ આવી ને મળીશ.મારામાં સમાઈ જઈશ.

(એક સુંદર-અભિવ્યક્તિ -કવિતા માણવી અહી ગમશે.)

બાલ કૄષ્ણ વળગી ગયો મુજ હૈયે આવી ઇ વસી ગયો
વિઠ્ઠલ નું નામ દઈ યાદમાં ખોવાણી ને ઇ હસી ગયો
ભાલમાં તિલક ને આંખમાં નૂર વ્હાલમ ઈ રસી ગયો
પીળું પિતાંબર અકબંધ પાટલીએ કંદોરો ખોસી ગયો
અધરો માખણ ને ભોળવતી આંખે મુજમાં વળગી ગયો
પાલવ પકડી ને ઉભો નટખટ કાનમાં હસી ગયો...!!
...રેખા શુક્લ...

ભક્તો તો પરમાત્મા ને મળવાની આશા માં જ જીવે છે.
જેને ભગવાન અપનાવે છે,જેનો ભગવાન અંગીકાર કરે છે,તેને જ રાસ માં પ્રવેશ મળે છે.
ગોકુલ ની બધી ગોપીઓ રાસ માં ગઈ નથી.માત્ર જેનો અધિકાર સિદ્ધ થયો હતો,જેમનો છેલ્લો જન્મ હતો,
તે ગોપીઓ જ રાસલીલામાં ગઈ છે.રાસલીલામાં ગોપી અને કૃષ્ણ એક થવાનાં છે.

શ્રીકૃષ્ણ ની આગળની લીલાઓ માં  આવી ગયું તેમ- શ્રીકૃષ્ણે બ્રહ્મા વગેરે દેવો નો પરાભવ કરી ને એ બતાવી આપ્યું છે કે-શ્રીકૃષ્ણ એ દેવ નથી પણ સાક્ષાત પરમાત્મા છે.
પણ હજુ કામ-દેવ (કંદર્પ-દેવ) ને ગર્વ રહી ગયું છે કે-મોટામાં મોટો દેવ હું છું.
સંસ્કૃત માં કામ નું નામ છે માર. સમય આવે કામ બધાને મારે છે.
કામદેવ શ્રીકૃષ્ણ પાસે આવ્યો અને કહે છે કે-નાથ,તમારી અને મારી કુસ્તી (યુદ્ધ) થાય.અને તે પરથી કોણ વધુ બળવાન છે તે સાબિત થાય.
શ્રીકૃષ્ણ કહે છે-કે-શિવજીએ તને બાળી ને ખાક કરેલો તે ભૂલી ગયો ?
કામદેવ કહે છે –કે-શિવજી સમાધિ માં તેજોમય બ્રહ્મ નું ચિંતન કરતા હતા ત્યારે હું સમય નો વિચાર કર્યાં વગર ગયેલો,અને બળી ને ભસ્મ થયેલો.સમાધિમાં મને મારે તેમાં બહુ આશ્ચર્ય નથી.
પ્રભુ એ કહ્યું-મારા રામાવતાર માં પણ તારી હાર થયેલી છે.
કામદેવ કહે છે કે-રામાવતાર માં આપ ખૂબ મર્યાદામાં રહેતા હતા,ખૂબ મર્યાદામાં રહી ને તો –
કોઈ પણ સામાન્ય જીવ પણ મારો પરાભવ કરી શકે છે.

શ્રીકૃષ્ણ કહે છે કે-બોલ તો હવે તારી ઈચ્છા શું છે ?
કામદેવ  કહે છે કે-શરદઋતુ ની પૂર્ણિમાની રાતે આપ,સર્વ મર્યાદા છોડી,વૃંદાવન માં અનેક સ્ત્રીઓ સાથે વિહાર કરો અને હું તમને બાણ મારું,તેમ છતાં જો તમે નિર્વિકાર રહો તો તમારી જીત,તમે ઈશ્વર અને કામાધીન બનો તો મારી જીત, હું ઈશ્વર.
શ્રીકૃષ્ણ કહે છે –તારી ઈચ્છા છે તો તે પ્રમાણે હું કરીશ.

કામદેવે માનેલું કે શ્રીકૃષ્ણ ને હરાવવા સહેલા છે.કારણકે શ્રીકૃષ્ણ તો ગોપીઓ સાથે મુક્તપણે સંચરે છે,

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE