More Labels

Sep 5, 2013

ભાગવત રહસ્ય -૪૦૮

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
સ્કંધ-૧૦  (પૂર્વાર્ધ)-૧૩૧

જો રાસલીલા માં લૌકિક કામાચાર હોય તો દેવો,ગંધર્વો,બ્રહ્માજી,નારદજી વગેરે આ રાસલીલા જોવા ના આવ્યા હોત.આ રાસલીલા ખુલ્લા મેદાન માં થઇ છે,બંધ ઓરડામાં નહિ.

ભાગવત નો શ્રોતા છે પરીક્ષિત.જે મૃત્યુ ને કાંઠે બેસીને આ કથા સાંભળે.જેને સાત દિવસ માં મુક્તિ અપાવવાની છે,તેને લૌકિક કામ ની વાતો સંભળાવવાની હોય નહિ.
વળી શુકદેવજી-કે જેનાં કેવળ દર્શન માત્ર થી અપ્સરાઓ ના કામ નો નાશ થયો છે,તેવા મહાપુરુષ
આ કથા કરવા બેઠા છે.અપ્સરામાં પણ જેમણે સ્ત્રીત્વ નહિ પણ “બ્રહ્મ” ના દર્શન થાય છે,તેવા શુકદેવજી,
પૂર્ણ નિર્વિકાર અને નિષ્કામ છે. અરે,જેમની લંગોટી પણ છૂટી ગઈ છે તેવા મહાયોગી આ કથા કરે છે.
જો રાસલીલા માં લૌકિક કામ હોય તો શુકદેવજી આ કથા કરી શકે જ નહિ.

વ્રજમાં રાસલીલા રમાય છે,પણ વ્રજ માં એવો નિયમ છે કે-અગિયાર વર્ષ થી નાની ઉંમર નાં બાળકો ને જ
રાસલીલામાં પ્રવેશ છે.કારણકે અગિયાર વર્ષ પછી શરીર માં કામ-વિકાર ચાલુ થાય છે.એટલે
અગિયાર વર્ષથી વધારે ઉંમરના બાળકો ને રાસ માં પ્રવેશ મળતો નથી.
(શ્રીકૃષ્ણે પણ રાસલીલા કરી તે વખતે તેમની ઉંમર અગિયાર વર્ષ કરતાં નાની હતી)

પુરુષત્વ એ અભિમાન –અહમ નું સૂચક છે,અને ઈશ્વર ના ઘરમાં પુરુષ ને –એટલે કે અહમ ને સ્થાન નથી.
ગોપી બનીને –નમ્ર બનીને –અહમ ને છોડી ને જે જાય છે તેને જ ઈશ્વર ના ઘરમાં પ્રવેશ મળે છે.

એક માત્ર નારદજી ને દુઃખ થયું છે.હું પુરુષ થઈને આવ્યો,પણ જો સ્ત્રી થઈને આવ્યો હોત તો –
રાસ-રસ નું દાન મળત.
નારદજી ને ખબર નથી કે વ્રજ માં તો-  “પુરુષ એક પુરુષોત્તમ,ઔર સબ વ્રજનારી હૈ”
તે વખતે રાધાજી ની નજર નારદજી પર પડી છે.
વૃંદાવન નાં અધિશ્વરી દેવી રાધાજી છે.વૃંદાવન માં આવેલો કોઈ જીવ દુઃખી ના થાય તેની –
રાધાજી કાળજી રાખે છે. નારદજી રાધાજી ને કહે છે-કે-ગોપીઓ જેવો આનંદ મને મળે તેવી ઈચ્છા છે.

રાધાજી કહે છે કે-રાધાકુંડ માં તમે સ્નાન કરો તમને રાસ-લીલા માં પ્રવેશ મળશે.
નારદજી એ રાધાકુંડમાં સ્નાન કર્યું,અને નારદ આજે નારદી (સ્ત્રી) બન્યા છે.
નારદજી એ વિચાર્યું કે –જો સાડી પહેરવાથી પરમાત્મા મળતાં હોય તો સાડી પહેરવામાં શું વાંધો છે ?
આજ સુધી અભિમાન માં બહુ મર્યો,હું પુરુષ,હું શાસ્ત્રી,હું કથાકાર,હું કીર્તનકાર... આ બધા હું-પણા માં
જ હું મર્યો તેથી બહુ દુઃખી થયો.

નારદજી પોતાના “સ્વ-રૂપ” માં સ્થિર થઇ અને શુદ્ધ ભાવે રાસલીલા માં પધારે છે.
ગોપીઓ એ જેમ “સ્ત્રીત્વ” છોડ્યું હતું,તેમ નારદજી એ પોતાનું “પુરુષત્વ” છોડી દીધું,એમ પણ કહી શકાય.
સંસાર નો ધર્મ છોડી પ્રભુના માર્ગે જવું,તે જીવ નો ધર્મ છે.
હું “સ્ત્રી” છું,હું “પુરુષ” છું, હું “શરીર” છું –તેવો ખયાલ છે ત્યાં સુધી પરમાત્મા પાસે જીવ જઈ શકતો નથી.

બીજી રીતે જોઈએ તો પણ-પુરુષ એ “અહંભાવ”  નું પ્રતિક છે અને સ્ત્રી એ નમ્રતા નું પ્રતિક છે.

ડોંગરેજી મહારાજ ની કથા પર આધારિત
      PREVIOUS PAGE
     NEXT PAGE
   INDEX PAGE