ધ્યેય અનંતનું હતું,ને પ્રવાસ પણ લાંબો હતો ઘણો,
અંત આવ્યો પ્રવાસનો,ને પ્રવાસ જ અનંત બની ગયો.
ના કોઈ ડર,ના ચિંતા રહી ને સંશય પણ કોઈ રહ્યો નથી,
નાવિક બન્યો છે 'તે' તો હવે સફર જ મંજિલ બની ગઈ.
કરી હતી ઊંચી ઉડાણ અનિલે,તો અનંતે પહોંચી ગયો,
નથી ફડફડાવી પડતી પાંખ,એ અનંતમાં સમાઈ ગયો.
યાદ,કર અનિલ,એ નિર્ધનતાની એ મોજ ઘણી હતી,
ત્યાગી દીધો વૈભવને તો ફરી એ મોજને પામી ગયો.
અનિલ-જાન્યુઆરી-15-2024
Click here to Go to Index Page For More
comments? OR you want to publish your poetery? or any article?
email me-anamiyogi@gmail.com