ખોળવાનો ક્યાં હતો 'તે'ને? માત્ર ઓળખવાની જ જરૂર હતી,
છતાં એ સફર લાંબી કરી દીધી,ને વરસો જિંદગીના વહી ગયા !
અશક્ય તો ક્યાં કશુંય છે? નાસમજ થઇ ખોટી જ મહેનત કરી,
પણ,જે શક્ય જ હતું,તેને પામવામાં વરસો જિંદગીના વહી ગયા.
લાખ ચાહ્યું હતું કે દોડીને પહોંચી જઈશ,ને પામી લઈશ 'તે'ને,
પણ,પ્રારબ્ધમાં ચાલવાનું જ હતું? ને વરસો જિંદગીના વહી ગયા.
દૂર તો 'તે' ક્યાં હતો? ને તેથી જ તો મંજિલ ક્યાં દૂર હતી?
મને જ પામવામાં,જિંદગીના મારા જ અનુપમ વરસો વહી ગયા.
ખોળતા હતા મારા નયનો,અધીર બની જે અનંતને,'તે'તો,આવી,
નયનોમાં જ બેઠો હતો,ઓળખવામાં વરસો જિંદગીના વહી ગયા.
અનિલ મે,23,2022
comments? OR you want to publish your poetery? or any article?
email me-anamiyogi@gmail.com