ભાગવત રહસ્ય-૧૯૪

ડોંગરેજી મહારાજ ની કથા પર આધારિત      
      PREVIOUS PAGE       
       NEXT PAGE               
    INDEX PAGE                     
સ્કંધ-૮-(આઠમો)-૧૩
બિલકુલ પરિચય ન હોય –અને માથું નામે તો માનજો કે એ કોઈ ઈશ્વરનો અંશ છે.

વામનજી નો કોઈને ય પરિચય નથી પણ રસ્તામાં સહુ વામન મહારાજ ને નમસ્કાર કરે છે.
વામનજી નું પ્રાગટ્ય થયું છે-સિદ્ધાશ્રમ માં. (જનકપુરી જતાં આ સિદ્ધાશ્રમ આવે છે.)

સિદ્ધાશ્રમ થી વામન મહારાજ નર્મદાકિનારે ભૃગુકચ્છ નામના તીર્થ માં આવ્યા છે.
મોટો મંડપ બાંધેલો છે-વામનજી મંડપ નજીક આવ્યા છે.
ભાર્ગવ બ્રાહ્મણો વેદ મંત્રો બોલી યજ્ઞ માં આહુતિ આપે છે.ત્યારે જ ચારે બાજુ પ્રકાશ પડે છે.

મોટા મોટા ઋષિઓ વિચારે છે-આવો બ્રહ્મ તેજસ્વી જોયો નથી. બ્રહ્મતેજ ને કોઈ છુપાવી શકે નહિ.
આ સૂર્ય નારાયણ તો ઉપરથી નીચે નથી ઉતર્યા ને ? કે પછી સનતકુમારો તો નહિ હોય ને ?
ના,ના, લંગોટી પહેરી છે-તેથી કોઈ આ બ્રહ્મચારી આવ્યો લાગે છે. કોઈ બ્રાહ્મણ કુમાર લાગે છે.

એક વખત -શંકરસ્વામી ને પૂછવામાં આવ્યું-કે સહુથી ભાગ્યશાળી કોણ ?
શંકરસ્વામીએ  એ જવાબ આપ્યો-
જે લંગોટી પહેરે છે-જે જીતેન્દ્રિય છે-જે સદાસર્વદા પ્રભુ સાથે વાતો કરે છે-પ્રભુ સાથે જે રમે છે-તે-
સહુથી મોટો ભાગ્યશાળી છે.

ઋષિઓ વિચાર કરતા હતા-તે સમયે યજ્ઞ મંડપ માં વામનજી એ પ્રવેશ કર્યો છે.
શુક્રાચાર્ય,વયોવૃદ્ધ, યજ્ઞ ના મુખ્ય આચાર્ય છે-છતાં ઉઠીને ઉભા થયા છે.
આ કોઈ મહાન તપસ્વી ,બ્રહ્મ-તેજસ્વી બ્રાહ્મણ લાગે છે. મોટા મોટા ઋષિઓ પણ વામનજી ને માન આપે છે.

બ્રહ્મચારીનું સ્વાગત કર્યું છે.પધારો,પધારો.બધા બ્રાહ્મણો ઉભા થયા છે.
બલિરાજાની નજર  ત્યાં પડે છે- વિચારે છે-આ કોણ આવ્યું છે ?મેં ઘણા બ્રાહ્મણોની સેવા કરી છે-
પણ આવો આજ સુધી કોઈ દિવસ જોયો નથી. બલિરાજા દોડતા ગયા છે-વામનજી નું સ્વાગત કરે છે.
વામનજી નું બટુક સ્વરૂપ જોઈ તે આનંદિત થયા છે. વામનજી ને ઘરની અંદર લઇ જઈ સુંદર સિંહાસન
પર બેસાડ્યા છે. રાણી ને કહ્યું-કે મારે આમની પૂજા કરવી છે.

બલિરાજા ની રાણી નું નામ વિન્ધ્યાવલી.અને તેમની પુત્રી નું નામ રત્નમાલા.
વામનજી ને જોઈ રત્નમાલા વિચારે છે-કે કેવો સુંદર છે !આ છોકરાને જે મા ધવડાવતી હશે તેને કેટલું સુખ થતું હશે ? 
બટુક વામનજી નું સ્વરૂપ જોઈ તેને પહેલાં વાત્સલ્ય ભાવ થયો.
પણ જયારે વામનજી એ પોતાનું અસલી રૂપ બતાવી પરાક્રમ કર્યું ત્યારે –તેમને મારવાનો ઈરાદો થયો.
રત્નમાલા ને બંને ભાવ થયા – વાસના ને લીધે- તે બીજા જન્મ માં થઇ પૂતના.

સોનાની ઝારીમાં પવિત્ર નર્મદાજી નું  જળ છે. વિન્ધ્યાવલી ચરણ પર જળ રેડે છે-અને બલિરાજા –
ધીરે ધીરે પગ પખાળે છે.વામનજી મહારાજ ના રત્ન જેવા નખ છે.બલિરાજા ને નખ માં પોતાનું પ્રતિબિંબ
દેખાય છે. બ્રાહ્મણો પુરુષ-સુક્ત નો પાઠ કરે છે.

બલિરાજા પ્રાર્થના કરે છે- આજે હું કૃતાર્થ થયો-મારા પિતૃઓ ને સદગતિ મળી. જે માત-પિતાએ  બહુ પુણ્ય કર્યા હોય  
ત્યારે આવો દીકરો થાય છે. તમારાં માત-પિતા ને હું ધન્યવાદ આપું છું.
મહારાજ તમને કાંઇક માગવાની ઈચ્છા હોય એમ લાગે છે-માટે સંકોચ છોડી જે જોઈએ તે માગો.
રાજ્ય,ગાયો,કન્યા-જે જોઈએ તે માગો. આપ જે માંગશો તે હું આપીશ.



ડોંગરેજી મહારાજ ની કથા પર આધારિત      
      PREVIOUS PAGE       
       NEXT PAGE               
    INDEX PAGE