Mar 24, 2013

જ્ઞાનેશ્વરી ગીતા રહસ્ય-૭૭

જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE      
અધ્યાય-૧૨-ભક્તિયોગ-૩

--જેને કોઈ પણ જાતની અપેક્ષા નથી (નિસ્પૃહ)
--જે અંદર અને બહારથી પવિત્ર છે,
--જે આત્મ-પરમાત્મ-તત્વ જાણવામાં નિષ્ણાત (દક્ષ) છે.
--જે જીવન માં આવી પડતી સ્થિતિઓ પ્રત્યે “ઉદાસીન” છે.
--જે ભય થી મુક્ત છે,જીવનમાં આવતાં ગમે તે પરિણામ કે બનાવ થી દુઃખી થતો નથી,
--જેને બધા કાર્ય ના આરંભ નો ત્યાગ કર્યો છે-એટલે કે-આ જગતમાં ઈચ્છિત હેતુઓ પાર પાડવાના
   માટે નાં કર્મો નો પ્રારંભ કરતો નથી (ફળની ઇચ્છાથી કર્મ કરતો નથી)
અને જે આમ સતત પરમાત્મા ની ભક્તિ માં ડૂબેલો રહે છે-તે ભક્ત પરમાત્મા ને પ્રિય છે. (૧૬)

--જે પોતાને ગમતી વસ્તુ પ્રાપ્ત થવા થી હર્ષ પામતો નથી,કે –
--જો ગમતી વસ્તુ ના મળે તો ખેદ કરતો નથી, કે-
--જો ગમતી વસ્તુ નો વિયોગ થાય તો શોક કરતો નથી,કે-
--ગમતી વસ્તુ ની પ્રાપ્તિ ની ઈચ્છા (આકાંક્ષા) પણ ધરાવતો નથી, અને
જે શુભ કે અશુભ સર્વ કર્મો ને ત્યાગી ને માત્ર ભક્તિ જ કરે છે-તે ભક્ત પરમાત્મા ને પ્રિય છે (૧૭)

--જે શત્રુ અને મિત્ર સાથે સમાનતાથી વર્તે છે,
--જે માન અપમાન ને સમાન માને  છે,
--જે શીત-ઉષ્ણ, સુખ-દુઃખ. જેવા દ્વંદો ને એકસરખાં માને છે.
--જે કોઈ પણ વસ્તુ માં આસક્તિ ધરાવતો નથી,
--જે નિંદા અને સ્તુતિ ને સમાન ગણે છે,
--જે મૌન ધારણ કરે છે,(મૌન માં માને છે)
--જે કંઈ મળી જાય તેનાથી સંતુષ્ટ રહે છે,(સંતોષ)
--જેને ઘર નથી (જેનું કોઈ એક સ્થાન નિશ્ચિત નથી-જગત ને પોતાનું ઘર માને છે)
જે સ્થિર બુદ્ધિવાળો અને સદૈવ પ્રભુ ની ભક્તિ કરે છે-તે પરમાત્મા ને પ્રિય છે...(૧૮-૧૯)


જે ભક્તો
--પરમાત્મા માં શ્રદ્ધા રાખી ને,
--પરમાત્મા માં પરાયણ થઇ ને,
--અત્યાર સુધીમાં વર્ણવેલા ધર્મામૃત (ધર્મ નું અમૃત-ધર્મ ના કાયદાઓ) નું સેવન કરે છે-
તેવા ભક્તો પરમાત્મા ને અત્યંત પ્રિય છે.(૨૦)

(ઉપર જણાવેલાં લક્ષણો વાળા ભક્તો ને જ ઉત્તમ સમજવા જોઈએ,માત્ર વાતો અને દેખાવ (ટીલાં-ટપકા)
થી સર્વજ્ઞ ઈશ્વર ઠગાઈ જતો નથી,
કદાચ દુનિયા (જગત) થોડા સમય માટે અંજાઈ જાય કે ઠગાઈ જાય-પણ સદાકાળ માટે તો જગત પણ
ઠગાઈ જતું નથી, તેમની પોલ બહાર આવતાં વાર થતી નથી)


અધ્યાય-૧૨-ભક્તિયોગ-સમાપ્ત
અનુસંધાન-અધ્યાય-૧૩-ક્ષેત્રક્ષેત્રજ્ઞ વિભાગ યોગ

ટૂંકસાર રૂપે -અધ્યાય-૧૨-ભક્તિયોગ વાંચવા માટે અહીં ક્લિક કરો.

જ્ઞાનેશ્વરી ગીતા ઉપર આધારિત  
            PREVIOUS PAGE
         NEXT PAGE 
          INDEX PAGE