Gujarati-Ramayan-Rahasya--ગુજરાતી-રામાયણ-રહસ્ય-૧૨૫

અગસ્ત્ય વિષે ની બીજી કથા એવી છે કે-મહાસાગર મહા અભિમાની બની ગયો હતો અને તે કોઈની આણ કે આમન્યા રાખતો નહોતો.તેથી અગસ્ત્ય ને ગુસ્સો ચડ્યો.અને તેઓ મહાસાગરને અંજલિ માં લઈને પી ગયા.અગસ્ત્ય ની આગળ મહાસાગર રાંક બની ગયો,અને મહાસાગર પાર કરી અગસ્યમુનિને  ટાપુઓ માં થાણાં નાખવામાં (આશ્રમો સ્થાપવામાં) સાગરનો પ્રવાસ સરળ થયો એમ આ કથાનું હાર્દ છે.

આવા અઠંગ પ્રવાસી અગસ્ત્ય ને રસ્તામાં રાક્ષસો ની સાથે પાનું ના પડે તે કેમ બને?
પણ પોતાની તપસ્યા ના બળથી,અગસ્ત્ય મુનિ, રાક્ષસો ના ત્રાસ ને પણ અંકુશ માં રાખી શક્યા હતા.
એમનો આશ્રમ ગઢ વનમાં હતો અને રાક્ષસો ને વધુ અનુકૂળ પડે તેવું પણ હતું,પણ મુનિ ની ધાક એવી હતી કે –રાક્ષસો તેમનાથી બી ને દૂર રહેતા હતા.

શ્રીરામચન્દ્રજી એ જયારે અગસ્ત્ય મુનિ ને પોતાને વસવા યોગ્ય સ્થાન બતાવવા માટે પ્રાર્થના કરી.
ત્યારે અગસ્ત્ય કહે છે કે-આપ અહીં જ રહી જાઓ.આ સ્થાન બિલકુલ ઉપદ્રવ વિનાનું છે.
પણ શ્રીરામ ત્યાં રહી પડે તો પછી રાવણ ને મારવાની કામ બને કેવી રીતે? એટલે તેમણે ના પાડી.
ત્યારે અગસ્ત્ય જી એ તેમને ગોદાવરી –તટે પંચવટી નામના સુંદર સ્થાન માં રહેવાનું સૂચવ્યું.

વિદાય વખતે,અગસ્ત્ય મુનિએ શ્રીરામને કેટલાંક દિવ્ય અસ્ત્રો આપ્યાં,બાણ નો અક્ષય ભાથો આપ્યો અને
એક દિવ્ય તલવાર આપી,પછી ભાવ-પૂર્વક પ્રાર્થના કરી ને એટલું માગ્યું કે-
“આપ સદાકાળ મારા હૃદય માં વસો”

તે પછી,શ્રીરામ પંચવટી નામે ઓળખાતા રમણીય સ્થળે પહોંચ્યા.ત્યાં આગળ ગોદાવરી નદી ને કિનારે
લક્ષ્મણજી એ વાંસ અને લાકડાની એક પર્ણ-ફૂટી ઉભી કરી.તે જોઈ રામને અતિ આનંદ થયો.
ત્યાં આગળ શ્રીરામ ને જટાયુ નામનો ગીધ આવી મળ્યો.રામજી એ સીતાજી ની રક્ષાની જવાબદારી,
લક્ષ્મણ અને જટાયુ ને માથે નાખી.

એકવાર સવારે શ્રીરામ નદીએ નહાવા જતા હતા,સાથે સીતા ને લક્ષ્મણ પણ હતા.
શિયાળા ના દિવસો હતા ને ટાઢ પણ હતી.અચાનક રામજી ને ભરતજી યાદ આવી ગયા.તેમની આંખો ભરાઈ આવી,અને કહેવા લાગ્યા કે –હે,લક્ષ્મણ,મારો ભરત આખી રાત જમીન પર સૂઈ ને,ઠુંઠવાઈને
અત્યારે સરયુ માં  નહાવા જતો હશે.!

ત્યારે લક્ષ્મણ કહે છે કે –આપના પર ભરતનો એવો સ્નેહભાવ છે કે-તમામ  સુખો નો ત્યાગ કરી અત્યારે તપસ્વી કરતાંયે વધારે કઠોર તપસ્યા કરી રહ્યા છે.લોકો કહે છે કે-માતા નો સ્વભાવ પુત્ર માં આવે છે પણ ભરતે એ વાત ખોટી સિદ્ધ કરી છે.

મોટાભાઈ ની મનોવ્યથા લક્ષ્મણજી બરોબર સમજતા હતા,એટલે જ ભરત વિષે ની વાતો કરી ને તેમને
સાંત્વન આપતા હતા.

લક્ષ્મણ સાથે શ્રીરામ ઘણીવાર ધર્મ-ચર્ચા પણ કરતા.લક્ષ્મણજી પણ પોતાની શંકાઓ નું સમાધાન તેમની પાસેથી મેળવતા.એક વર શ્રીરામ આરામ થી બેઠા હતા,ત્યારે લક્ષ્મણજી એ પૂછ્યું કે-
હે પ્રભુ,મારા મન માં હજી બ્રહ્મ વિષે ની કેટલીક બાબતો સ્પષ્ટ થઇ નથી,
તેથી હું આપને કેટલાંક પ્રશ્નો પુછું તો ક્ષમા કરશો.



PREVIOUS PAGE         INDEX PAGE           NEXT PAGE