Mahabharat-Gujarati-As It Is-મહાભારત ગુજરાતી-મૂળરૂપે-1239

 

અધ્યાય-૩૩-ત્રિપુરાખ્યાન 

 II दुर्योधन उवाच II भूय एव तु मद्रेश यत्ते वक्ष्यामि तच्छ्रुणु I यथा पुरावृतमिदं युद्धे देवासुरे विभो II १ II

દુર્યોધન બોલ્યો-હે સમર્થ મદ્રરાજ,પૂર્વે દેવાસુર યુદ્ધ પ્રસંગે જે ઐતિહાસિક બનાવ બન્યો હતો તે હું તમને કહી સંભળાવું છું.મારા પિતાની સમક્ષ મને આ ઐતિહાસિક કથા માર્કંડેય મહર્ષિએ કહી હતી.તે તમે સાંભળો તે પછી મનમાં વિચાર કરો,તેમાં કોઈ પણ જાતની શંકા કરશો નહિ.હે રાજન,પૂર્વે દેવો અને અસુરો વચ્ચે પરસ્પરને જીતવાની ઈચ્છાથી તારકાસુરરૂપ રોગનો નાશ કરવાના કારણે મહાન સંગ્રામ થયો હતો તેમાં દેવોએ દૈત્યોનો પરાજય કર્યો હતો.એમ સાંભળવામાં આવ્યું છે.

ભાગવત રહસ્ય-૨૭૪-Bhagvat Rahasya-274

યૌવનમાં જ વનવાસની જરૂર છે.વનવાસ વગર જીવનમાં સુવાસ આવશે નહિ.

સાત્વિકતા આવશે નહિ.વનવાસ વગર –વાસનાનો વિનાશ થતો નથી.
વનમાં રહેવાનું એટલે વિલાસીના સંગમાં નહિ રહેવાનું.વિલાસી લોકોથી દૂર જવાનું છે-

દૂર રહેવાનું છે. ગૃહસ્થના ઘરમાં ભોગના પરમાણુઓ ફરે છે.ભોગ ભૂમિમાં ભક્તિ બરોબર થતી નથી.

વધારે નહી તો મહિનો-કે-થોડા દિવસો –કોઈ પવિત્ર નદીના કિનારે કે પવિત્ર જગાએ રહેવું જોઈએ.

કે જ્યાં હું ને મારા ભગવાન-ત્રીજું કોઈ નહિ. ત્રીજો આવે તો તોફાન થાય છે.

ભાગવત રહસ્ય-૨૭૩-Bhagvat Rahasya-273

બીજો કાંડ-અયોધ્યા કાંડ છે.અયોધ્યામાં રામ રહે છે-અયોધ્યા –એટલે જ્યાં- યુદ્ધ નથી,

કલહ નથી,ઈર્ષ્યા નથી.કલહનું મૂળ પૈસા અને પ્રતિષ્ઠા હોય છે.અયોધ્યાકાંડ કહે છે-કે 

વેર ના કરો.જીવન થોડું છે.અયોધ્યાકાંડ પ્રેમનું દાન કરે છે.
રામનો ભરતપ્રેમ, રામનો સાવકી માતા પ્રત્યેનો પ્રેમ-વગેરે આ કાંડમાં જોવા મળે છે,

રામ ની નિર્વેરતા જોવા મળે છે.

ભાગવત રહસ્ય-૨૭૨-Bhagvat Rahasya-272

રામાયણનું એક એક પાત્ર –આદર્શ છે.રામ-જેવો પુત્ર થયો નથી,દશરથ જેવો પિતા થયો નથી,

કૌશલ્યા જેવી માતા થઇ નથી.રામ જેવા પતિ નથી,સીતા જેવી પતિવ્રતા સ્ત્રી થઇ નથી,

કે-ભરત જેવો ભાઈ થયો નથી.વશિષ્ઠ જેવો ગુરૂ થયો નથી,અને રાવણ જેવો શત્રુ થયો નથી.

ઉચ્ચ પ્રકારનો માતૃપ્રેમ,પિતૃપ્રેમ,પુત્રપ્રેમ,ભ્રાતૃપ્રેમ,પતિપ્રેમ,
પત્નીપ્રેમ,વગેરે કેવો હોય છે?-તે રામાયણમાં બતાવ્યું છે.

Mahabharat-Gujarati-As It Is-મહાભારત ગુજરાતી-મૂળરૂપે-1238

 

દુર્યોધનનું એ વચન સાંભળી,શલ્યરાજ ક્રોધથી ધૂંધવાઈ ઉઠ્યો ને પોતાના બંને હાથોને અફાળવા લાગ્યો.તેને કુલ,ઐશ્વર્ય,શાસ્ત્ર તથા બળનું મોટું અભિમાન હતું તેથી ક્રોધથી લાલચોળ થઈને તેણે દુર્યોધનને કહેવા માંડ્યું કે-'ઓ ગાંધારીપુત્ર,જરૂર તું મારા બળ પર શંકા લાવે છે અને તેથી જ તું આ રીતે મારુ અપમાન કરે છે અને બેધડક થઈને 'તમે કર્ણનું સારથિપણું સ્વીકારો'એમ મને કહી રહ્યો છે.તું અમારા બધાથી એ કર્ણને અધિક માને છે ને તેની પ્રશંસા કર્યા કરે છે પણ તને કંઈ ખબર છે કે-અમે તો રાધાના પુત્રને યુદ્ધમાં અમારા સરખો જરાય ગણતા નથી?હે રાજા,મારા ભાગમાં આવેલા તેવા કોઈ મહાન શત્રુને તું દેખાડ,એટલે તેનો રણમાં પરાજય કરીને હું મારા દેશમાં ચાલ્યો જઈશ.આજે હું એકલો જ શત્રુઓ સામે યુદ્ધ કરી તેમને બાળીને ભસ્મ કરી નાખું ત્યારે તું મારા પરાક્રમને જોજે.અમારા સરખા પુરુષ પોતાના હૃદયમાં અભિમાન રાખીને જ કાર્ય કર્યા કરે છે માટે તું મારા પ્રત્યે શંકા ન કર.હું તને ખાસ કહી દઉં છું કે-યુદ્ધમાં તારે મારુ અપમાન કરવું નહિ.

ભાગવત રહસ્ય-૨૭૧-Bhagvat Rahasya-271

લવ-કુશ ,અયોધ્યામાં કથા કરી અને પાછા આશ્રમમાં આવ્યા છે. અને મા સીતાજીને બધી 

વાત કરે છે.અને પૂછે –છે-કે- મા,યજ્ઞમાં -રાજા રામની પાસે તારા જેવી જ સોના ની મૂર્તિ હતી.

મા, રાજા રામ તારી મૂર્તિ પાસે કેમ રાખે છે ?માતાજીએ આ સાંભળ્યું, અને તેમને ખાતરી થઇ કે-

“મારા રામજીએ મારો ત્યાગ કર્યો નથી,મારો ત્યાગ કર્યો હોય તો મારી મૂર્તિ શા માટે પાસે રાખે ?

કલંક દૂર કરવા માટે –તેમણે મારો ત્યાગ કર્યો છે,મનથી નહિ.”