વસિષ્ઠ કહે છે કે-રાજાનું આ વચન સાંભળીને,કુંભમુનિએ,ખેદથી કંઠ રૂંધાયો હોય તેવી,ગદગદ વાણીથી કહ્યું કે-જ્યાં સુધી દેહ રહે ત્યાં સુધી,સમાન ચિત્ત રાખી,હર્ષ-શોક વગેરે કોઈ પણ વિકાર ના પામતાં,જેઓ કર્મેન્દ્રિયોથી વ્યવહાર કરતા રહેતા નથી-તેઓ ખરેખર તત્વજ્ઞ નથી,પણ "દંભી" હોવાથી શઠ જ છે.હે રાજા,જેઓ તત્વને ના જાણવાથી અજ્ઞાનમાં જ ડૂબેલા રહે છે,તેઓ પોતાની બાળ-બુદ્ધિને લીધે,સ્વભાવથી જ દેહના યોગે ગ્રહણ કરાયેલી અવસ્થાઓથી ભયભીત થઈને નાસવા માંડે છે.
